ژمارە:  10

سۆسیالیزم
کتێبی ژمارە (دە) لە پڕۆژەی چەمکە فکری و فەلسەفییەکان
لە بڵاوکراوەکانی دەزگای ئایدیا بۆ فکر و لێکۆڵینەوە
چەمکی سۆسیالیزم دێرینترە لە مارکسیزم و سەردەمی مارکس، پێش مارکسیش بە شێوازی جۆراوجۆر و لە فۆڕمی جیاجیادا باس لە سۆسیالیزم کراوە، بەڵام بەشداریی مارکس لەم بوارەدا بریتیبوو لە بەزانستیکردنی سۆسیالیزم، هەربۆیە زۆرجار بە سۆسیالیزمی زانستی دەگوترێت مارکسیزم. سۆسیالیزم سیستەمێکی ئابووری و کۆمەڵایەتی و سیاسییە و سیما سەرەکییەکەی خاوەندارێتیی دەستەجەمعیی ئامڕازەکانی بەرهەمهێنان و بەڕێوەبردنێکی دادپەروەرانەی دەرامەتە سروشتی و مرۆییەکانی کۆمەڵگەیە. بە مانایەکی دیکە دەتوانین بڵێین سۆسیالیزم ئەو فەلسەفە سیاسییەیە کە بەرگری لەو پێناسەیەی سەرەوە دەکات. سۆسیالیزم قۆناغێکی گرنگە لە ڕەوتی خەبات بەرەو کۆمەڵگەیەکی بێ چین و دوور لە چەوساندنەوە. ئەم کتێبە چەندین بابەتی گرنگی کۆمەڵێک نووسەری دیاری لەخۆگرتووە سەبارەت بە چەمکی سۆسیالیزم، لە گرنگترین ئەو بابەتانەش: (مرۆڤی سۆسیالیست، بۆچی سۆسیالیزم، سۆسیالیزم و ئایندە، سۆسیالیزم چی بوو و دواتر چی دەبێت، وێناکردنەوەی سۆسیالیزم، پەروەردە و سۆسیالیزم، ئیسلام و سۆسیالیزم).