 ژمارە: 12
کەپیتالیزم
کتێبی ژمارە (دوانزە) لە پڕۆژەی چەمکە فکری و فەلسەفییەکان
لە بڵاوکراوەکانی دەزگای ئایدیا بۆ فکر و لێکۆڵینەوە
سیستەمێکی ئابوورییە، کە هاوشان لەگەڵ خۆیدا سیستەمێکی کۆمەڵایەتی و سیاسییشی پێکهێناوە. بەو مانایەی کە سیستەمێکی لەم جۆرە بۆ دروستبوون و پێکهاتن، هاوکات بۆ درێژەدان بە بوونی خۆی، پشتی قایمە بە سیستەمێكی سیاسی و کۆمەڵایەتی کە زامنی چالاکییە ئابوورییەکانی بۆ بکەن؛ هاوکات چالاکییە ئابوورییەکانی ئەم سیستەمەش زامنی مانەوەی سیستەمە کۆمەڵایەتی و سیاسییەکانە. زۆر بە سادەیی کەپیتالیزم ئەو سیستەمەیە کە بە پلەی یەکەم پشت بە خاوەندارێتیی تایبەتی ئامڕازەکانی بەرهەمهێنان و سیستەمی کاری کرێ دەبەستێت، لە ڕێگەی ئەم دوانەشەوە، لە ڕێگەی کارپێکردنی کرێکارانەوە لەسەر ئامڕازە بەرهەمهێنانەکانی خۆی، هەوڵی بەدەستهێنانی زیادەبەها و کەڵەکەکردنی سەرمایە دەدات. سیستەمی سەرمایەداری کار لەسەر ئەوە دەکات کەمینەیەک لە مرۆڤەکان خاوەنی ئامڕازەکانی بەرهەمهێنان بن و زۆرینەی کۆمەڵگەش خاوەنی هیچ شتێک نەبن جگە لە هێزی کاری خۆیان، کە ئەم هێزەش وەک کاڵایەک دەفرۆشنە سەرمایەدارەکان لەپێناو مانەوەیان لە ژیاندا و دابینکردنی بژێویی خۆیان.
|
|
هیچ داتایهک بهردهست نیه . |