ژمارە:  2

فیمینیزم
کتێبی ژمارە (دوو) لە پڕۆژەی چەمکە فکری و فەلسەفییەکان
لە بڵاوکراوەکانی دەزگای ئایدیا بۆ فکر و لێکۆڵینەوە

وشەی (فیمینیزم) وشەیەکی لاتینییە و بە دەربڕینی (فیمیا) بەکارهاتووە، واتە (ژن). دواتریش لەسەر بنەمای ڕیشە لاتینییەکە ئەم وشەیە لە زمانە جیاجیاکاندا جێکەوت بووە. بە گشتی فیمینیزم لە سەرەتادا هاوواتای بزووتنەوەی ڕزگاریی ژنان بەکارهاتووە، کاردەکات بۆ نەهێشتنی جیاکاری لەنێوان ژنان و پیاواندا. فیمینیزم شۆڕشێکە دژی پەراوێزخستنی ژنان لە بوارەکانی ژیاندا. هەندێک لە ڕەوتەکانی فیمینیزم خاوەن هزرێکی توندڕەوانەن و وەک دووژمنێک لە ڕەگەزی بەرامبەر دەڕوانن و باوەڕیان بەوە نییە کە هەموو مرۆڤێکی ڕەگەز نێر جیاوازە لە یەکێکی دیکە و مەرج نییە سەرجەمیان مافەکانی ژنان زەوت بکەن. فیمینیزم چەندین ڕەوت و ئاڕاستەی جیاجیای هەیە، لە گرنگترینیان: (فیمینیزمی ئیگزیستانسیالیست، فیمینیزمی مارکسیست، فیمینیزمی لیبڕاڵیست، فیمینیزمی ئیسلامی، فیمینیزمی ڕادیکاڵ، فیمینیزمی تاکگەرا، فیمینیزمی ماتریالیست، فیمینیزمی کۆنزەرڤاتیڤ، فیمینیزمی جوداخواز، فیمینیزمی پۆستمۆدێرن، فیمینیزمی سۆسیالیست و ...هتد).
ئەم کتێبە دەیان بابەتی جۆراوجۆر لەخۆدەگرێت لەسەر پێناسەی فیمینیزم و ئاڕاستەکانی فیمینیزم و مێژووی فیمینیزم و بۆچوونە جیاجیاکان لەسەر ئەم چەمکە.