بابه‌ته‌کانی ئه‌نوه‌ر حسێن (بازگر)
كێ ڕۆژنامەنووسە...؟
  

ماوەیەكە كێشە و گرفت كەوتوەتە نێو میدیای كوردییەوە و لێدوانی جیاجیا دەدرێت، بە تایبەتی پاش بەرنامەكەی ڕەنج سەنگاوی، گوایە چەند تۆمەت خراوتە پاڵ ڕۆژنامەنووسان و ئەوەش ڕووی میدیای ئەهلی دەگرێتەوە.

* دەكرێت بپرسین ئایا، ڕۆژنامەنووس نییە، جاسووس بێ؟

* ئایا ڕۆژنامەنووس نییە، دێتە مەچكۆ و شەعب بۆ هەواڵ كۆ كردنەوە؟

* ئایا ڕۆژنامەنووس نییە، خەریكی ڕاپۆرت نووسین و ملشكاندنی هاوپیشەكانیەتی؟

* ئایا ڕۆژنامەنووس نییە، بە ناوی ئەهلیەوە، پارە لە حزب و مەسئوولەكان وەردەگرێت؟

* ئایا ڕۆژنامەنووس نییە، بە ڕۆژ زمانی دوو بست درێژە و بە شەویش دەعوتی مەسئوولەكانە؟

* ئایا ڕۆژنامەنووس نییە، بە نهێنی لەگەڵ دەزگای مەترسیدار پەیوەندیی هەیە و هەواڵی دەداتێ؟

* ڕۆژنامە و ڕۆژنامەنووس نییە، ڕاپۆرت و هەواڵ بە خواستی شوێنی تر بۆ شكاندنی حیزبێك و سەركردەیەك بڵاو دەكاتەوە؟

* ئەمانە هەمووی درۆیە...؟!

* ئەگەر هەیە دەبێ دانی پێدا بنێن، كاتێكیش هەیە و واقیعە، دەبێ بزانین كە لە ناو گشت میدیای كوردستاندا هەیە و تەراتێن دەكەن، هەر كەسیش دەیخاتە سەر خۆی، كەیفی خۆیەتی، بەڵام گرنگ ئەوەیە ئەو دیاردە قێزونانە لە ناو میدیای كوردیدا هەن و ڕەنگە زۆریشمان بیناسین و بیانبینین.

-دڵنیام ڕۆژێك دێ، هەموو ئەو شتانە ئاشكرا بن و دەریش دەكەوێت، كێ پارەی لە (ئەمریكا و توركیا) وەرگرتوە و كێ هەواڵی بە مەبەست بڵاوكردوەتەوە و كێ ڕۆژنامەنووس بوە و كێ بە پێی پێوەر و ئیتكی ڕۆژنامەنووس شتی بڵاو كردوەتەوە و كێش ڕاستگۆ بوە، بەڵام زۆر جار بۆ چەواشەكردنی بەرامبەر دەبێ بەس خۆت چاك و باش بزانێ تا بڕوات پێ بكرێت.

-ئەگەر نا ناكرێت داوای شەفافیەت بكەی و خۆشت شەفاف نەبیت، بۆیە ناكرێت ئەوەی چوار ساڵە خەریكی كاری ڕۆژنامەنووسیەی خۆی لێ ببێتە سوپەرمان و ئەوانی تریش كە دەیان ساڵە لەم بوارەدا خزمەت دەكەن، پەراوێز بخرێن!

من هیوادارم حكوومەت ئازایانە و ڕاستگۆیانە لەو بێدەنگە بێتە وەڵام و هەموو نهێنەیەكان ئاشكرا بكات، كە كێ ڕۆژنامەنووسە و كێش چەواشەكارە.

-دڵنیام حكوومەت و دەزگاكانی لە سەر هەر لایەنێك زانیارییان هەیە و دەتوانن ئەوە ساغ بكەنەوە كێ دڵسۆزە كێ، ڕۆژنامەنووسە...؟!


  ژماره‌ی بینین:  287
  به‌روار:  19/01/2021
بابه‌تی زیاتر...
ناونیشان
بینین
كۆنزەرڤاتیڤەكان 240
كێ ڕۆژنامەنووسە...؟ 287
فەرهاد پیرباڵ و شێركۆ بێكەس 264
گەرمبوونەوەی پەیوەندییەكانی هەولێر-بەغدا 264
چارەنووسی كەركووك 249
سلێمانی چەقی هەڵبژاردنەكان 247
ژیانەوەی جاشایەتی 277
ژنكوشتن...؟ 255
دادگاییكردنی مەسعوود و مریەم ڕەجەوی 250
په‌ڕه‌یله‌ 41
ژماره‌ی بابه‌ت