تیۆری ئایین

جۆرج باتای

وەرگێڕانی: هاوار محەمەد

جۆرج باتای لەو نووسەرانەیە کە لە کاتی خوێندنەوەیدا تووشی سەرئێشەت دەکەن. لای ئەو توانای بەریەککەوتن و ناتەبایی ئایدیاکان لە پێش ڕێکخستن و پێکەوەسازانیانەوەیە. دەقەکانی پڕن لە ئاماژە خێراکان، دەقگەلێکی پەژمووردە، کە مەنزوومەی فەلسەفی و نەزم ڕەتدەکەنەوە. وەک باتای خۆی دەڵێت "بە زمانێک قسە دەکەم، کە لە زمانێکی مردوو دەچێت، پێم وایە ئەمە زمانێکی فەلسەفییە... ویستومە زمان لە پلەی سفردا بەکاربهێنم، زمانێک کە هاوتای هیچ نەبێت، زمانێک کە بچێتەوە سەر بێدەنگی".

باتای خۆی لە بارەی ئەم کتێبەوە دەڵێت: کتێبی تیۆری ئایین کارێکی تەواوکراو پیشاندەدات، کە دەبوو ببێت؛ هەوڵمداوە گوزارشت لە فیکری بزۆز بکەم، بە بێ ئەوەی عەوداڵی ئەوە بم لە دوافۆڕمدا دایبڕێژم.

ئەم کتێبە گرنگە خۆی لە دوو بەشی سەرەکیدا دەبینێتەوە، لە هەر یەکێکیاندا چەند فراگمێنتێک لەخۆدەگرێت تایبەت بە ناواخنە فەلسەفی و تیۆرییەکانی ئایین و مەڕاسیمە ئایینییەکان، لەوانە: مرۆڤایەتی و گەشەکردنی جیهانی دنیایی، قوربانی و جەژن و بنامەکانی جیهانی موقەدەس، ئایین لە سنوورەکانی عەقڵدا.